_Síncope_

Oenach Atlántico 2007.

2007-07-22T23:08:00.000Z

Esta fin de semana en Sedes, Narón. Non volo perdades!

Venres 27:

Noite de Música Galiciana.22:00h Repichoca de música tradicional.

Feira do Trece.

Sábado 28:

Cita Gastronómica.13:00h para degustar un menú autóctono a base de:Ración de porco celta ó braseiro.Ración de polo de Mos ó braseiro.Xurelo lañado ó braseiro.1 peza de froita1 auga ou cunca de viñoPan e café ó tizón

Feira do Trece.
Encontro de Deporte rural Interautonomías16:00 h. Repichoca de xogos populares para tod@s17:00 h. II Torneo de tiro con arco "Lombo"

Feira do Trece
Noite do castro.22:00 h. Recreacións teatrais no castro de Eiravedra a cargo da Compañía de teatro comunitario de Sedes coa obra: "O paseo da Lúa sobre a Terra".Compañía de teatro "Os Quinquilláns":"Castreños".

Castro de Eiravedra.

Domingo 29:

IIIª Mostra de razas autóctonas galegas. Ás 9:00 h. Mostra das diferentes razas autóctonas galegas certificadas: 5 razas de vacas galegas, porcos celtas, ovellas galegas, cabalos galegos de diversa estampa, cans de raza galega.

Feira do Trece.
IIª Mostra Morfolóxica da raza da galiña de Mos con 20 parellas.Iª Mostra do can de Palleiro

Parque temático do Ru-- "Aldea Nova"
Recreación dun Oenach, recreación da alianza romano-castreña.

Feira do Trece
17:00h Encontro de deporte rural.19:00h Carreira Popular ó castro.

Feira do Trece.

Sábado 28 e domingo 29:

Feira de Artesanía e Antigüedades.Dende as 10:00 h. do día 28 ata as 21:00 do día 29, Mostra e venda de cincoenta artesáns: Madeira, coiro, vidro, tecido, cestería, ...

Feira do Trece.
Museo Vivo: Parada etnográfica dos canteiros e ferreiros tradicionais.A partir das 10:00 h. Mostra de traballos en directo de 13 ferreiros e 15 canteiros con técnicas tradicionáis.

Feira do Trece.

No Mundo Celta (Festival de Ortigueira).

2007-07-04T00:56:00.000Z

Do 5 ó 8 de Xullo estarei co posto no festival de Ortigueira

(Mundo Celta).

Asi que non haberá entrada nova ata pasado o festival. Levo tamén uns días sen escribir precisamente por mor de ter todo listo para o festi.

Vémonos alí!

As meiguiñas. A tele.

2007-06-25T03:24:00.000Z

As meiguiñas. En qué pensa Cándida?

2007-06-01T01:09:00.000Z

A meiguiña da fraga Cándida atópase coa súa amiga Cloe, unha meiga mariña, e as dúas conversan entre elas:

As meiguiñas. A dieta de Cándida.

2007-05-31T13:27:00.000Z

Finalmente Cándida pensou mellor o de remodelar o seu corpo con axuda de ciruxía e decidíu que en troques faría dieta:

As meiguiñas. Renata e o vento.

2007-05-31T03:38:00.000Z

A Renata non lle gusta moito o vento e cóntallo á sua amiga Nina:

As meiguiñas. O ciruxán plástico.

2007-05-30T23:20:00.000Z

Achégase o verán e con iso da calor e algunhas trapalladas que ven na televisión algunhas meiguiñas estanme a chochear:

Novas meiguiñas.

2007-04-25T12:25:00.001Z

Xa están ó fin dispoñibles as novas meiguiñas!

Vexamos algunhas en detalle, coma sempre, cada unha delas é unha peza única feita á man:

Próximamente novas meigas. Esgotadas as anteriores.

2007-04-11T12:22:00.000Z

Non editei ainda tódalas entradas das meiguiñas, por iso aviso eiquí de que ningunha das meiguiñas das entradas anteriores a esta están xa dispoñibles. A maioría delas foron vendidas nesta pasada Semana Santa.

Agardo a que fagan felices a cada seu dono, e que estes, á súa vez, as traten moi ben.

Procurarei poñer novas meiguiñas canto antes.

Saúdos a tod@s.

Pendericos Chocolate.

2007-03-27T13:40:00.000Z

Xa está lista a colección de pendericos de tarta de chocolate. Uns pendericos moi doces ...

Cristal.

2007-03-23T14:41:00.000Z

Cristal. (O seu nome provén do grego e significa xeo, cristal).
É unha meiguiña da fraga de 909 anos.
É moi inqueda e xoguetona.
Gústanlle as uvas e cirolas pasas.
Tamén o polbo á feira. (Con pouco picante, que lle fai mal)
Gústalle subir ás árbores e pasear pola montaña.
A miúdo fai o camiño dos romeiros a San Andrés. Gústalle camiñar, sobre todo en rutas tan bonitas.
Non ten rival xogando á brisca.

Leva un gorro rosa cunha media lúa turquesa (símbolo das meiguiñas da fraga de Pantín).
Ten o pelo de cores.
Os seus zapatiños son negros.

Vive con dous ratiños, Tuntún e Carambola, cos que ve na tele debuxos animados e a sua serie favorita.
Encántanlle as roscas de anís.
Gustaríalle viaxar nun tren de vapor.

Cristal.

Bríxida.

2007-03-23T01:12:00.000Z

Bríxida. (O seu nome provén do celta e significa poboación elevada, colónia).
É unha meiguiña da fraga de 2427 anos.
Encántalle o chocolate e calquera doce feito a base de milfollas.
Gústalle voar os papaventos.
Tamén lle gusta xogar con trenes eléctricos.
Gústanlle os xirasoles e as rosas de cor branco.
Garda tódolos xoguetes da sua infancia.

Leva un gorro granate cunha media lúa verde (símbolo das meiguiñas da fraga de Pantín).
Leva o cabelo de cores, predominando os tonos verdosos.
Os seus zapatiños son verdes.

Gústalle moito a regaliz.
Colecciona bonecas de trapo.
Gústalle a música folk.
Divírtelle facer rebotar coios no río.

Bríxida.

Flor.

2007-03-23T00:33:00.000Z

Flor. (O seu nome provén de latín e significa flor).
É unha meiguiña da fraga de 1915 anos.
Gústanlle as papas moooi, moooi espesas.
Tamén lle gusta observar como voan os insectos, sobre todo os abellóns.
Gústalle deitarse sobre a herba á sombra nos días calurosos de verán.
Encántanlle os espaguetis.
Gústalle estoupar as burbullas do plástico de embalar.

Leva un gorro de cor rosa cunha media lúa turquesa (símbolo das meiguiñas da fraga de Pantín).
Leva o cabelo de cores.
Os seus zapatiños son negros.

Gústalle moito ler libros de lendas e contos populares.
Encántanlle os días de choiva, poñer as suas botas e o chubasqueiro e sair a saltar nos charcos.
Gústanlle moito as mazás caramelizadas e as garrapiñadas. Tamén o algodón de azucre.
É moi amiga dos Reis Magos.

Flor.

Filipa.

2007-03-22T15:29:00.000Z

Filipa. (O seu nome proven do grego e significa amiga dos cabalos).
É unha meiguiña da fraga de 801 anos.
É algo traste pero ten bó fondo.
Gústalle gastar bromas e comer larpeiradas.
Tamén lle gustan moito os gatos, pero danlle alerxia.
Gústalle facer globos co chicle e pompas de xabón.

Leva un gorro rosa con dous botonciños azuis.
O seu pelo é de cores.
Leva zapatiños azul marino.

Gústalle moito a piña en conserva.
Colecciona as servilletas perfumadas que regalan nos restaurantes.
Fai xabóns de tódalas formas, colores e olores que se lle ocorren.
Ten como mascotas un par de moscas: Pimpín e Chacarraschás.

Filipa.

Elba.

2007-03-22T01:57:00.000Z

Elba. (O seu nome proven do celta e significa alta montaña).
É unha meiguiña da fraga de 4006 anos.
É simpática e moi amable.
Gústalle ver campionatos de patinaxe artístico na tele.
Tamén ver rios conxelados e paisaxes nevadas, pero sobre todo ver nevar. Gústalle ver caer as folerpas lentamente.
Fai bonecos e figuras de miga de pan que lle quedan moi bonitos.
Gústalle perfumarse e ten unha gran colección de colonias e perfumes.

Leva un gorro turquesa cunha media lua negra (símbolo das meiguiñas da fraga de Pantín).
Leva o cabelo de cores.
Os seus zapatiños son negros.

Gústalle o queixo de Arzúa.
Tamén lle gusta pasear en barca ou no catamarán do canón do Sil.
Gústanlle as plantas trepadoras e ten a casa chea delas.
Enganchouse a algunha telenovela máis dunha vez.

Elba.

Bastiana.

2007-03-22T01:22:00.000Z

Bastiana. (O seu nome provén do grego e significa venerable).
É unha meiguiña da fraga de 2707 anos.
É algo tímida.
Gústanlle os paxaros.
Pinta cadros de paisaxes.
Encántalle comer froitos secos.
Danlle ataques de risa frecuentemente, sempre nos lugares menos axeitados, pero non ten remedio e acaba contaxiando a todo o mundo.
Gústanlle as peliculas románticas.

Leva un gorro rosa cunha media lúa negra (símbolo das meiguiñas da fraga de Pantín).
Ten o cabelo de cores, predominando os tonos verdes.
Os seus zapatiños son negros.

Gústanlle moito os reloxos de cuco.
Tamén os nísperos e as mandarinas.
Ten un simpático timbre na sua casa, que soa coma un gato cabreado.
Tamén ten un gato que nunca se cabrea.

Bastiana.

Alma.

2007-03-22T00:33:00.000Z

Alma. (O seu nome proven do latín e significa a que fai o ben).
É unha meiguiña da fraga de 1438 anos.
Lé comics.
Encántanlle os debuxos animados.
É fan incondicional da Pantera Rosa e de Garfield.
Colecciona chapas e pins.
Nunca perdia un episodio de El Duende del Globo, pero hai anos que xa non dan ese programa, unha mágoa, porque era o seu preferido.
Está moi interesada en aprender cousas das culturas precolombinas e gustaríalle visitar o Machu Pichu.

Leva un gorro turquesa cunha estrela transparente (símbolo das meiguiñas da Punta Chirlateira).
O seu cabelo é de cores, moi bonito.
Leva zapatiños de cor rosa.

Gústanlle as grandes esculturas de anxos dos cemiterios.
Encántalle comer natillas con caramelo.
Sabe escribir ó revés e coñece a linguaxe de signos.
Encantaríalle ver de preto un volcán e un géiser.

Alma.

Águeda.

2007-03-21T23:48:00.000Z

Águeda. (O seu nome proven do grego e significa boa).
É unha meiguiña da fraga de 3002 anos.
É moi caseira.
É moi boa cociñeira e reposteira. Pasa tanto tempo facendo doces que din que ela mesma ule a galleta.
Gústalle ver a tele mentres cociña, sobre todo series de humor ou programas divertidos.
Tamén lle gusta moito facer crucigramas.
Adora os pementos de Padrón.

Leva un gorro de cor rosa cunha estrela transparente (símbolo das meiguiñas da Punta Chirlateira).
Ten o cabelo loiro recollido nun par de trenzas.
Os seus zapatiños son verdes.

Gústalle pasear nos seus ratos libres, sobre todo no outono, en dias cargados de luz amarela.
Merca habitualmente revistas de cociña e decoración. Gústalle facer da sua casa un fogar confortable e bonito.
Encántalle o requeixo con mel.

Águeda.

Fara.

2007-03-20T22:58:00.000Z

Fara. (O seu nome proven do árabe e significa alegre).
É unha meiguiña da fraga de 2469 anos.
É moi divertida. O seu propio nome o dí, é moi alegre.
Gústalle organizar festas de distintas temáticas na sua casa.
É moi propensa a resfriarse e por iso inventou unha pócima infalible para curar calquera tipo de catarro ou gripe.
Ten a casa chea de cadros con puzzles que lle encanta facer.
Cultiva amorodos cos que fai unha exquisita marmelada.

Leva sombreiro turquesa cunha media lua granate (que simboliza que pertence á fraga de Pantín).
Leva cabelo de cores en tonos claros; loiros e azuis.
Os seus zapatiños son de cor negro.

Gústalle almorzar unha gran cunca de cereais.
Encántalle o zume de cenoura.
Sabe bailar muiñeiras e tocar a pandeireta.
Dalle medo viaxar en avión.
Gústalle pintarlles bigotes e gafas ás persoas que saen nas fotos dos xornais.
(E tamen cubrir de pelo ós calvos ou poñerlle melena ós que teñen o cabelo curto).
Coida un par de bonsais.

Fara.

Fara non está dispoñible. Vendida o 5 de abril de 2007.

Anais.

2007-03-09T13:52:00.000Z

Anais. (O seu nome provén do hebreo e significa compaixón).

É unha meiguiña da fraga de 1309 anos.

É mooooi garimosa, un cachiño de pan.

Gústanlle moito os biscoitos borrachos, e se levan pasas mellor.

Sáenlle moi ben as magdalenas e fainas a miúdo pois ten como costume incluír un par delas no almorzo.

É boísima xogando ó Trivial.

Gústalle ir recoller cunchas á praia, ten unha gran colección.

Intercambia postais con meigas de tódolos paises.

Anais leva un fermoso gorro turquesa cunha estrela transparente

(símbolo das meiguiñas da Punta Chirlateira).
Leva o cabelo de moitas cores, moi bonitiño.

Os seus zapatiños son de cor rosa.

Gústalle correr polas mañáns. É larpeira, pero tamén fai moito exercicio.

Gústanlle os caramelos de limón. Tamén a limonada natural feita na casa.

No seu xardín ten laranxeiras e limoeiros, ademáis de un gran castiñeiro vello no que viven un esquio e un par de pegas, que son amigos seus.

Quedou un pouco chafada cando rematou o Supermartes, nunca lle gustara moito ese programa, pero cando comezou a sair Cecilio comezou a velo porque lle caía ben o galo.

Gústalle ler libros de aventuras.

Anais.

Anais non está dispoñible. Vendida o 5 de abril de 2007.

Serena.

2007-03-01T03:29:00.000Z

Serena. (O seu nome provén do latín e significa muller tranquila).
É unha meiguiña da fraga de 933 anos.
É moi doce, romántica e aventureira.
Sempre sorrí moito.
Gústanlle as bolboretas e os paseos en barca.
Tamén lle gusta montar en bici.
Gústanlle moito os animais. Ela non ten ningunha mascota pero adícase a pasear os cans das súas amigas máis ocupadas.
Gústalle o sonido do seu teléfono (fixo).

Leva un gorro turquesa cunha estreliña transparente (símbolo das meiguiñas da Punta Chirlateira).
O seu cabelo é de cores e os zapatiños son de cor rosa.

Gústalle mirar ó ceo estrelado antes de ir durmir.
Non lle gusta nada que se lle enrede o pelo cada vez que o lava e necesita empregar sempre crema suavizante.
Gústanlle moito os kiwis: en zume, con iogur, en biscoito...etc
Ás veces vai de pesca con Amelia ó rio da fraga.

Serena.

Amelia.

2007-02-28T23:57:00.000Z

Amelia. (O seu nome provén do grego e significa traballo; e tamén do xermano no que significa laboriosa ou valerosa).
É unha meiga da fraga de 1656 anos.
É moi charlatana e bromista.
Xamáis revela un segredo.
Ten dúas mascotas: Paco e Viriato (son caracois).
Gústalle facer rebotar coios no río.
Posúe un gran sentido da orientación, xamáis se perdeu, nin en lugares que non coñecía.
Prefire o peixe á carne.
Sempre almorza cun colacao con pan.

Leva un grande gorro verde cunha lúa granate (símbolo das meiguiñas da fraga de Pantín).
É loira.
Leva zapatiños negros.

Non lle gusta facer cola.
Gústalle viaxar en tren.
Emprega demasiado a palabra "chachi" e algúns dos seus amigos chámanlle así.
Encántalle comer flan con nata.
É moi "chachi".

Amelia.

Ágata.

2007-02-28T00:52:00.000Z

Ágata. (O seu nome provén do grego e significa boa).
É unha meiguiña da fraga de 1335 anos.
É moi boa e doce. É moi caseira.
Gústanlle as prantas e planta moitas flores no seu xardín.
Nada moi ben, pasa o verán nadando no río e ás veces vai á praia tamén.
Toca a frauta.
Sabe facer malabares. Comezou practicando con mandarinas.
Fai un doce de peras boísimo!

Leva un gorro de cor rosa cunha estrela transparente (distintivo das meiguiñas da Punta Chirlateira).
Ten un fermosísimo cabelo de cores.
Os seus zapatiños son de cor turquesa.

Non viviría sen a súa licuadora na que prepara zumes de mazá, cenoura, amoras, tomate, pera, granada, etc, etc
Gústalle a música folk.
A súa cor preferida é o morado.
Encántanlle as mantecadas de Astorga. Tamén lle gusta Astorga.

Ágata.

Acacia.

2007-02-27T23:19:00.000Z

Acacia. (O seu nome provén do grego e significa boa).
É unha meiguiña da fraga de 2376 anos.
É moi, moi, moi parlanchina. Gústalle contar contos, cotillear e cantar.
Sempre se entera de cantos chismes hai na fraga.
Soe reunirse polas tardes na sua casa con outras amigas tan cotillas coma ela, polo que moita xente coñece a casa de Acacia por "a perruquería" jaja
É bromista e parrandeira.
Sabe moitas cantigas e xogos tradicionais.

Leva un gorriño turquesa con dous "botonciños" negros.
Leva o pelo de moitas cores.
Os zapatiños son de cor azul mariño.

Acacia adora o chocolate, negro ou branco, dalle igual.
Sempre anda a comer unha morea de larpeiradas.
Gaña tódolos anos o campionato de baile de trombos. O seu fíxollo o seu pai e ela pintouno de vermello. Todos no campionato a coñecen pola meiga do trombo colorado e moitos téñenlle envexa porque ninguén lle consegue quitar o posto, ela fainos bailar mellor que ninguén.
Gústalle a cervexa e é fiel á Estrella Galicia.

Selene.

2007-02-27T01:02:00.000Z

Selene. (O seu nome provén do grego e significa lúa).
É unha meiguiña da fraga de 2045 anos.
É moi sociable e amistosa.
É unha meiga extraterrestre. Provén de Lalos, un dos catro satélites do planeta Don, da galaxia Luma.
Cando chegou á fraga de Pantín todos a recibiron moi ben pero custoulles entenderse con ela porque non falaba ningún dos idiomas coñecidos no noso planeta. Pero agora xa se entenden moi ben, inda que empregan máis xestos que palabras e Selene fala cun marcado acento extraterrestre.
Gústalle aprender todo sobre os terrestres ainda que hai cousiñas que non entende como por exemplo porqué rifan tanto e porqué contaminan o planeta no que viven.

Selene leva un gorro turquesa con dous botons azuis a un lado (o de riba sérvelle para contactar cós seus en Lalos e o de abaixo é unha especie de GPS intergaláctico).
Leva o cabelo de cores.
Os seus zapatos son de cor rosa.

Selene adora os esquios. Non hai esquios en Lalos.
Gústalle moito como se come na Terra, sobre todo en España, pero tamén lle gusta moito a comida mexicana, inda que racionando moito o picante porque lle fai mal.
Sempre leva escondidos caramelos e piruletas debaixo do gorro.

Selene.

Noa.

2007-02-27T00:09:00.000Z

Noa. (O seu nome provén do hebreo e significa repaso).
É unha meiguiña da fraga de 1007 anos.
É moi romántica e namoradiza.
É moi garimosa e falangueira.
Lé novela romántica e de aventuras.
Gústalle o manga.
Fai de perruqueira coas súas amigas porque se lle dá moi ben facer peiteados complicados.
Gústalle facer punto de cruz e está pensando en apuntarse na Asociación de Meiguiñas Puntocruceiras.
Toca moi ben a pandeireta.

Leva un gorro rosa cunha estrela transparente (símbolo das meiguiñas da Punta Chirlateira).
O seu cabelo é de cores.
Leva zapatiños rosa a xogo co gorro.

Sabe algunhas cancións en xaponés.
Sempre cea moi lixeiro para ter lindos soños.
Gústalle facer globos co chicle.

Noa.

Edito, 11 de marzo de 2007. Noa non está dispoñible. Vendida.

Nadia

2007-02-26T23:30:00.000Z

Nadia. (O seu nome provén do ruso e significa esperanza).

É unha meiguiña da fraga de 1293 anos.
É moi inqueda, non lle gusta estar parada moito tempo.
Sempre fai moitas preguntas, gústalle sabelo todo.
Gústalle xogar con trenes eléctricos e de pequena sempre quixo ter un scalextric.
Tamén lle gusta pasear en coche. Bueno, máis que nada gústalle conducir.

Nadia viste de verde, que ademáis é a súa cor preferida (e moi relacionada có seu nome).
Leva gorro verde (coa estrela transparente símbolo das meiguiñas da Punta Chirlateira) a xogo cos zapatiños.
O seu cabelo é de varias cores, predominando os tonos verdosos.

Gústalle a comida china.
Tódolos anos cultiva melóns na súa horta porque lle encantan.
Está a ler o Código DaVinci.

Nadia.

Nadia non está dispoñible. Vendia o 5 de abril de 2007.

Xenia.

2007-02-24T05:47:00.000Z

Xenia. (O seu nome provén do grego e significa hospitalaria).

É unha meiguiña da fraga de 687 anos.
É moi imaxinativa e sempre ten grandes ideas para solucionar calquera cousa.
Cociña moi ben. Ten o record de receitas de pasta inventadas por ela. Podería facer un prato con pasta distinto para cada día do ano.
Ten unha gran colección de delantais, pois a miudo cociña para as xuntanzas da Asociación de Meiguiñas Puntocruceiras e sempre lle regalan algún, tamén algún pano ou algun mantel de vez en cando.
Está preparando un libro de receitas rápidas para meigas con pouco tempo libre.

Xenia leva un gorro turquesa cunha estrela transparente (símbolo das meiguiñas da Punta Chirlateira).
Ten un fermoso cabelo de cores, predominando os tonos roxizos.
Leva zapatiños negros.

Gústanlle os xelados de amoras.
Encántanlle os campos de xirasois.
Adoita a pasar horas sentada fronte ós illotes da Punta Chirlateira mirando para as gaivotas e os cormoráns.

Xenia.

Nidia.

2007-02-24T05:40:00.000Z

Nidia. (O seu nome provén do grego e significa limpa).

É unha meiguiña da fraga de 401 anos.

É moi tenra e doce.

Tamén fácilmente impresionable.

Gústalle escoitar historias de medo ou contos fantásticos protagonizados por unicornios.

Os unicornios fascínanlle.

Colecciona canicas, inda que non sabe xogar con elas, pero parécenlle bonitas.

Leva un gorro negro cunha estrela transparente (símbolo das meiguiñas da Punta Chirlateira).

No seu fermoso pelo de cores, predominan os tonos azulados.

Leva uns zapatiños brancos cuns broches negros de adorno.

Gústalle moito a música medieval, e tamén a roupa da época.

Encántalle o tiramisú.

O seu mellor amigo é un corvo que se chama Pepón.

Nidia.

Nidia non está dispoñible. Vendida o 5 de abril de 2007.

Zulema.

2007-02-24T04:58:00.000Z

Zulema. (O seu nome provén do árabe e significa pacífica).

É unha meiguiña da fraga de 1216 anos.

É bastante tímida, pero moi simpática e faladora coa xente que coñece.

Gústalle viaxar e visitar monumentos.

Le o xornal cada día.

Adoita a tomar infusións.

É boa confidente, xamáis revela un segredo.

Viveu durante dous anos moi preto dun volcán.

Xoga moi ben ó futbolín.

Leva un gorro negro cunha estrela transparente. (Símbolo das meiguiñas da Punta Chirlateira).

O seu cabelo é de cores, predominando os tonos vermellos.

Leva zapatiños negros a xogo co sombreiro.

Gústanlle moito as mazás bañadas en caramelo.

Fala cos paxaros.

A súa casa está chea de prantas. Invirte moito tempo en coidalas.

Encántalle escoitar música. Ten tódolos discos de Luar na Lubre.

Zulema.

Zulema non está dispoñible. Vendida o 5 de abril de 2007.

Zoraida.

2007-02-24T01:27:00.000Z

Zoraida. (O seu nome provén do árabe e significa graciosa).

É unha meiguiña da fraga de 602 anos.

É moi doce. Moi boa.

Encántanlle xogar ó escondite e faino moi ben, soe gañar ela sempre.

Tamén lle gusta moito ler, sobre todo poesía.

Debuxa moi ben e fai origami.

Leu enteiro o diccionario.

E o listín telefónico da súa fraga.

(Isto último é broma).

Ten un cofre no seu cuarto ó que ela chama "O Tesouro de Zoraida" e ninguén sabe o que garda dentro.

Leva un gorro de cor rosa cunha estrela tranparente. Símbolo das meiguiñas da Punta Chirlateira.
Ten un cabelo multicolor moi fermoso.
Os seus zapatiños son de cor rosa a xogo co gorro.

A Zoraida gústalle moito asubiar. Asubía contínuamente as súas cancións preferidas.
A sua cor preferida é o rosa.
Encántalle comer sopas de todo tipo e tamén calquera prato de pasta.
Soe estar sempre de bó humor.

Delfina.

2007-02-23T23:55:00.000Z

Delfina. (O seu nome provén do grego e significa golfiño, besta feroz).
É unha meiguiña mariña de 1347 anos.
É moi simpática e divertida.
Gústalle moito falar e contar contos.
Sigue varias series na tele e tamén ve a miúdo programas de cotilleo.
Poucos saben que foi elixida a meiguiña máis guapa entre tódalas mariñas do seu pobo anos atrás. E ela non lle dá ningunha importancia a iso.
(Hai que dicir que ás meiguiñas lles encanta propoñer concursos de todo tipo, e non hai que apuntarse para participar senón que cada quen vota a quen quere do pobo polo que calquera pode resultar ser algún día dende o máis guapo oficial ata o máis protestón ou desagradable jaja)
Está a estudar latín.

Leva un fermoso sombreiro de cor vermello.
O seu cabelo é de tonalidades verdes.
Leva zapatiños de cor negra.

É adicta ós refrescos de cola, pero está tratando de deixalos.
Descubríu que os zumes tamén saben moi ben.
Gústalle moito ir ó cine, sobre todo a ver películas de acción. Aínda que non o recoñece abertamente as románticas tamén lle gustan moito e, ás veces, incluso chora vendo algunha.
Non lle gusta moito madrugar, a non ser cando é para sair de paseo.

Sempre tan escondidas moitas larpeiradas na súa casa. Gústanlle especialmente as palmeiras de chocolate, os flocos de millo, as patacas fritidas con sabor a sabe dios o qué (canto máis artificiais sexan máis ricas lle parecen), as gominolas, etc Ainda que está a tratar de cambiar todo isto por pasteis e galletas feitos na casa, patacas fritidas tamén feitas na casa e froitos secos, porque o doutor lle dixo que de seguir así ía ter algún problemiña...

Gustaríalle ter unha nube de seu.

Delfina.

As irmás Xenxa e Xonxa.

2007-02-23T19:15:00.000Z

Xenxa e Xonxa son duas meiguiñas da fraga de Pantín. Son irmás e lévanse moi ben!

Xenxa. (O seu nome provén do latín. É unha variante de Inocencia. Significa inofensiva, sen culpa).

É unha meiguiña da fraga de 323 anos.
É moi garimosa e moi xoguetona.
Encántalle facer pompas de xabón e inflar globos.
Gústanlle os contos con final felíz.

Leva un fermoso gorro de cor granate cunha media lúa de cor rosa.
Os seus cabelos son de tonalidades verdosas.
Os zapatiños son de cor negra.

Gústalle pasear polo campo na primavera e observar ás bolboretas que revolotean polas flores.
Tamén lle gustan moito as avelaíñas!
Encántanlle os campos cheos de margaridas silvestres e soprar os dentes de león.

Xenxa.

Xonxa. (O seu nome provén do latín. É unha variante de Asunción. Significa subir ó ceo, ascender).

É unha meiguiña da fraga de 324 anos, ten un máis que a súa irmá.

É moi garimosa e amable. Boa amiga.

Moi xenerosa.

Encántanlle os animaliños todos.

Gústalle mirar para os barcos que se ven no mar, ó lonxe, cando vai pasear pola costa.

Encántalle bañarse no verán no río que pasa pola fraga.

Leva un gorro de cor granate cunha media lúa de cor rosa.

O seu fermoso cabelo é de tonalidades verdosas. Os seus zapatiños son de cor negra.

Encántalle o chocolate, os bombóns son a súa perdición.

Gústalle ler comics e ver comedias na televisión.

Xonxa.

Dora.

2007-02-23T17:15:00.000Z

Dora. (O seu nome provén do grego e significa regalo)
É unha meiguiña mariña de 749 anos.
Posúe unha gran imaxinación. Encántalle escribir e contar contos.
É a raiña das festas infantís.
É moi ordenada. Ten a sua casiña sempre moi limpa e todo perfectamente colocado. Gústalle que todo ó seu redor esté ben organizado.
Gústanlle as manualidades e é moi boa pintando caixas de madeira.
Tamén lle gusta debuxar.
Ás veces parece algo distante porque a miúdo se perde no seu mundo imaxinario.
Gústalle a repostería tamén. Se ben é certo, gustalle máis comela que facela, pero sáenlle uns postres ben ricos.
E tamén lle gusta ver pelis de medo, inda que ás veces desvia a mirada da pantalla ou tapa as orellas.

Leva un gorro verde cunha estrela marela.
O seu cabelo é de tonalidades azuis.
Os zapatiños son de cor gris.

A Dora tamén lle gusta moito pasear. Ás veces cando sae das furnas da praia de Pantín vai visitar ás meigas da fraga de Loira coas que ten un vínculo moi especial, xa que pasou tres anos da sua infancia vivindo con elas.
Gústanlle moito os cantos gregorianos.
No seu almorzo nunca debe faltar un zume de laranxa natural.

Dora.

Dorinda.

2007-02-23T01:52:00.000Z

Dorinda. (O seu nome provén do grego e significa regalo).
É unha meiguiña da fraga de 999 anos (moi ilusionada porque xa case cumpre os 1000!).
É moi, moi, moi alegre e sempre está contenta! Isto fai que todos ó seu redor o estén tamén.
Moi boa e xenerosa sabe sacarlle un sorriso a calquera co seu característico bó humor.
Ás veces é algo bromista, pero son bromiñas pequenas que divirten tamén ó que llas gasta.
Gústalle moito ler. Lé libros de todo tipo, pero os de aventuras son os que máis lle gustan.
Tamén lé o xornal e ten un pasatempo curioso... Cambia as noticias que non lle gustan da seguinte maneira: recorta partes desa noticia e usando recortes doutras noticias que lle gustan mais crea unha noticia nova. Ten unha gran carpeta chea coas suas noticias, que lle gusta reler ó final de cada ano, a maioría son disparates, cousas incribles que parece que xamáis van suceder, pero quen sabe...

Dorinda leva un gorro azul ceo cun par de "botonciños" de cor verde. Distintivo das meigas da fraga de Vilarrube.
O seu cabelo é moi craro. Loiro, case branco de todo.
Os seus zapatiños son verdes.

A Dorinda o que máis lle gusta é cantar mentres anda a pasear pola fraga. Encántalle que os paxariños a acompañen.
Gústalle comer lambetadas e disfrazarse.
Tamén lle encanta comer froita, sobre todo cando pode collela directamente da árbore.
É unha meiguiña moi paseeira e gústalle moito sair a descubrir novos lugares.
Soña con viaxar a Marte, quen sabe se algún día poderá ir.

Dorinda.

Nota: Dorinda non está á venda.
Próximamente sae cara a Burela onda unha persoa moi especial que a ha saber coidar moi ben. E Dorinda a ela.

Vera.

2007-02-16T15:16:00.000Z

Vera. (O seu nome provén do latín e significa verdadeira).
É unha meiguiña da fraga de 1115 anos.
Sempre levou gafas, dende pequerrecha, e sempre as levou ó seu gusto: enormes e de cor negra.
Cando era nena os compañeiros rían e chamábanlle Vera Gafotas ou Vera a Lupas, e agora, en cambio, resulta que vai á última, que é do máis "fashion" jaja
A ela, nunca lle importou que a xente falara das súas gafas para ben ou para mal, xa que o que lle importa e ir ó seu gusto, non ó dos demáis.
Gústalle moito ler, sobre todo novela histórica.
Tamén lle gustan os bailes de salón, e baila moi, moi ben!
Colecciona postais e fotografías de nubes. Tamén comezou hai pouco unha nova colección de fotografías de lóstregos.

Vera leva un sombreiro turquesa cunha lúa (símbolo das meiguiñas da fraga de Pantín) de cor amarelo.
O seu cabelo é loiro.
Leva as suas características gafas negras e os seus zapatiños son negros tamén.

É moi sociable e gústalle coñecer xente nova.
Encántalle descubrir novos pobos pequerrechos e falar coa xente do lugar para que lle conten todas as lendas e curiosidades do pobo que saiban.
Non lle gustan moito os espacios cerrados de pequenas dimensións e tampouco os grandes espacios no caso de que estén ateigados de xente.
Gústalle preparar guacamole e disfruta moito coméndoo mentres ve algunha peli.
Tamen lle gustan os caramelos de menta e os de laranxa.

Renata.

2007-02-06T13:33:00.000Z

Renata. (O seu nome provén do latín e significa nacida para unha nova vida).
É unha meiguiña da fraga de 1012 anos.
É moi garimosa e simpática. Bondadosa e alegre.
Leva o "Consultorio de Renata" no foro das meiguiñas e alí atende ás persoas que se atopan tristes ou con problemas para tratar de consolalas escoitando e ofrecendo consello de amiga.
A Renata encántalle ler, facer manualidades, os días soleados, o outono e os bolos na sartén nunha cunca con leite.
A súa cor preferida é o marelo inda que prefire vestir de azul turquesa porque sabe que lle favorece máis.

Renata leva un gorro azul turquesa a xogo cos seus zapatos.
No gorro leva unha estrela transparente, símbolo das meiguiñas da Punta Chirlateira.
O seu cabelo é de varias cores, predominando os tonos dourados pero cunhas marcadas mechas vermellas.

A Renata gústanlle moito os animais, é amiga de tódolos bichos que poidades imaxinar, coas eirugas lévase especialmente ben ainda que os seus mellores amigos sempre serán os cormoráns.

Gústalle moito a froita, sobre todo os plátanos que dispón en grandes platos con nata e caramelo, pero tamén as laranxas, as cereixas e como non, as amoriñas das silveiras. Cando anda a pasear non pode pasar sin se deter ante unha silveira que teña amoras, encántanlle.

Tamén lle gusta conectarse a Internet e atender á xente no foro.
Cando ten algo de tempo tamén ve algo de tele sobre todo os documentais da 2TVE (especialmente se son de animais ou de civilizacións antigas) e as series da TVG.

Renata.

Nota: Renata non está á venda.

A bruxa Avería.

2007-01-31T21:14:00.000Z

Bueno a partir de agora e de vez en cando irei poñendo a "versión meiguiña" dalgunha personaxe famosa. Esta é a primeira e está inspirada na famosa Bruxa Avería do programa "La Bola de Cristal".

Bruxa Avería orixinal.

Bruxa Avería versión meiguiña.

Cloe.

2007-01-29T23:11:00.000Z

Cloe. (O seu nome provén do grego e significa tenra).
É unha meiguiña mariña de 439 anos.
É moi optimista e moi simpática, sempre consegue sacarlle un sorriso a calquera coa sua forma de ser e o seu xeito de ve-la vida.
Colecciona bonecas de porcelana e estrelas de mar.
É moi frioleira.

Gústalle ver a tele, sobre todo series cómicas e concursos, ademáis do Xabarín.

Encantaríalle aprender a montar en bici, pero as veces que o intentou dáballe moito medo caer e perdía o equilibrio. Tamén necesita aprender a nadar e por iso se apuntou a un curso de natación.

Cloe leva un gorriño de cor turquesa e zapatiños grises.
Os seu cabelo é loiro pero con mechas lilas.

Gústalle disfrutar dos días de sol para pasear ou simplemente sentar nas rochas da costa e mirar o mar. Tamén se distrae vixilando á xente que está na praia.

Ás veces chega ata a súa cova mariña algún balón de praia que lle escapou a alguén ou simplemente lle quedou esquecido na praia e o mar arrastrou onda Cloe. Ela ponse moi contenta nesas ocasións e xoga moito con el, ten un divertimento novo mentras non lle rompe nalgunha rocha afiada dos cantís.

Gústalle moito a marmelada de fresa e o membrillo de kiwi con requeixo.

Cloe.

Catuxa.

2007-01-29T00:30:00.000Z

Catuxa. (O seu nome provén do grego e significa pura, inmaculada, graciosa).
É unha meiguiña mariña de 726 anos e vive nas furnas da costa de Pantín.
Gústalle coñecer xente de tódolos lugares do mundo. É moi aberta e faladora.
O seu pasatempo favorito é cantar mentres está sentada nas rochas dos cantís a mira- lo mar.
De cando en vez sae a pasear cos arroaces e as gaivotas.
Catuxa non sabe nadar, de feito moitas das meigas mariñas non saben. Disque vai haber unha campaña de fomento do deporte entre tódalas meigas e vanse incluír clases de natación. Os da organización ficaron sorprendidos cando viron que a maioría das meigas apuntadas ó curso eran mariñas.

Catuxa leva un grande gorro vermello e uns zapatiños grises.
O seu pelo é verde, cuns mechóns máis claros que outros.

Catuxa pode ser, ás veces, algo cabezona, pois non lle gusta lle leven a contaria, pero xamáis se enfada, ten bó carácter.
Encántalle ir visitar á sua curmá Silvina á fraga. Son moi amigas, e ademáis a Catuxa gústalle pasear pola fraga e escoitar cantar ós paxaros pequeniños coma os paporroibos ou os gorrións. No mar non soe velos a miúdo, e as escasas veces que algún se lle achega non pode escoitalo ben polo ruido do bater do mar.
Gústanlle as natillas de coco, a ensaladilla rusa con moita maionesa e os caquis.
Encántalle disfrazarse no entroido ( e cando non é entroido tamén).

Catuxa.

Catuxa non está dispoñible. Vendida o 5 de abril de 2006.

Bonifacia.

2007-01-25T22:51:00.000Z

Bonifacia. (O seu nome provén do latín e significa a que fai o ben, benefactora).
É unha meiguiña da fraga de 1114 anos.
É alegre e divertida. Sempre anda a contar chistes.
Ten un lixeiro problema de sobrepeso dende que era nena e por iso probou tódalas dietas habidas e por haber, pero sen éxito. Na súa adolescencia tiña bastante complexo porque non lle gustaba ós rapaces polo seu físico, iso sí, todos a apreciaban moito por simpática e boa amiga. Pero iso cambiou na sua xuventude porque descubríu que por estar máis gordiña non era máis fea e ata participou en varios desfiles de tallas grandes. Descubríu que o dereito é o seu perfil bon e aprendeu a camiñar con elegancia.
Optimista e con gran sentido do humor cáelle ben a todo o mundo. Ademáis é solidaria e amante da Natureza.
Gústalle moito comer. É máis de salgado, pero non lle fai ascos a uns bos pasteis.

Leva un gorro azul cunha media lúa, coma tódalas meigas da fraga de Pantín.
Os seus zapatiños son negros.
Leva o cabelo de cores. Granate e violeta.

Encántalle a comida en xeral, pero o polo gústalle especialmente. Tamén adora as tartas de mazá.
Gústalle ir ó cine, sobre todo a ver películas de humor, pero tamén lle gustan as pelis históricas.
Colecciona comics de Asterix e recortes do xornal con rutas para pasear. Ás veces practica o sendeirismo con Dúnia.
Gustaríalle ter unha mascota como un canciño ou un gato.

Dúnia.

2007-01-25T21:27:00.000Z

Dúnia. (O seu nome provén do árabe e significa señora do mundo).
É unha meiguiña da fraga de 873 anos.
Domina varios idiomas: galego, castelán, catalán, Euskera, francés, inglés, italiano, grego, rumano, finés, alemán e portugués. Ademáis de latín e arameo.
Gústalle escoitar música, sobre todo o rock; pero tamén lle gusta a música celta. Sabe tocar a frauta, o violín, a arpa e a ocarina.
É moi doce e amistosa ainda que algo tímida ás veces.
Encántanlle os contos de medo; sobre todo escoitalos, pero a ela tamén se lle dá moi ben contalos.
Colecciona osiños de peluche, especialmente pandas, que son os que máis lle gustan.
Encántanlle os días chuviosos e escoitar como as pingas que caen nas latas, que ten estratéxicamente colocadas no tellado e balcóns da súa casa, fan soar unha fermosa sinfonía que ela acompaña coa ocarina, que toca especialmente ben.

Leva un fermoso gorro vermello e zapatiños verdes.

Ten uns fermosos cabelos en tonalidades verdosas.

É moi caseira e toda unha cocinillas, prepara o mellor arroz en leite da súa vila e gañou varios concursos gastronómicos.

Gústanlle os nenos. E ós nenos gústalles Dúnia. Xoga con eles e cántalles cancións. Tamén lles prepara algodón de azucre de varias cores e unhas deliciosas natillas os fines de semana que é cando máis tempo libre ten. Ademáis gústalle acompañalos ó cine a ver películas infantís porque a ela tamén lle gustan moito.

Colecciona frascos de especias e caixiñas de madeira decoradas.

Tamén fai algo de deporte, gústalle o sendeirismo.

Gustaríalle moito facer unha viaxe en globo.

Dúnia.

Xiana.

2007-01-25T17:27:00.000Z

Xiana. (O seu nome provén do latín e refírese ó xentilico da familia Iulia, adicada a Xúpiter).
É unha meiguiña da fraga de 989 anos.
É moi comprensiva e encántalle escoitar como as persoas lle contan as súas alegrías ou os seus problemas.
Gústanlle as pelis e os libros de suspense. Tamén lle gusta cantar, pero sempre o fai cando está ela soa porque é bastante tímida e dalle vergoña facelo en público. Algúns habitantes da fraga de Vilarrube que a escoitaron cantar sen que ela se dera conta afirman que o fai moi ben.

Leva un gorro negro con dous "botonciños" brancos.
Eses "botóns" indican que procede da fraga de Vilarrube.
Leva zapatiños de cor gris.
Os seus cabelos son craros cunhas notas de cor malva.

Xiana é moi popular entre os coellos da fraga porque cultiva unha horta de cenouras. Como se axuda da súa máxia para que lle saian unhas fabulosas colleitas e ela soa non as pode comer todas, regálallelas ós coellos, que a adoran.
O que ninguén da fraga sabe é que agocha unha gran colección de revistas do corazón. Gústalle estar ó tanto destas cousas.
Tamén é algo larpeira e os doces son a súa perdición. A maioría das veces que recorre á máxia en beneficio propio é para sanar algunha que outra caries.

Xiana non está dispoñible. Vendida o 5 de abril de 2007.

Pánfila.

2007-01-25T16:54:00.000Z

Pánfila. (O seu nome provén do grego e significa amiga total, amiga de todos).
É unha meiguiña da fraga de 908 anos.
É moi, moi, divertida e algo charlatana de máis.
Gústalle a compaña, se está soa abúrrese enormemente e remata falando soa en voz alta por ver se dalgunha maneira se fai compaña a sí mesma.
Non canta moi ben, pero a ela gústalle moito facelo e faino constantemente poñéndolle moitas ganas. Sabe centos de cancións, pero moi poucas enteiras.
Gústalle ir de compras e sempre chega á casa con centos de cousas que non necesita; afortunadamente, sendo meiga, pode transformalas en calquera outra cousa que lle faga falta.

Leva un gorro vermello con dous "botonciños" translúcidos, o cal indica que é orixinaria da fraga de Vilarrube.
Os seus zapatos son vermellos tamén.
Ten o cabelo de cor verde.

Gústalle saír pola noite e cambia moito de local ata percorrelos todos, ou case todos.
Ten o record de caídas na baixada de carrilanas que organizan cada ano na fraga, pero non se desanima, algún ano ha de chegar a primeira.
Gústanlle os bocadillos de nocilla ou natacha con azúcar.
As súas películas favoritas son Shrek e a Era do Xeo: Cré que Asno e Sid son as máis grandes estrelas do cine, xunto con E.T. o extraterrestre.

Pánfila.

Silvina

2007-01-25T01:15:00.000Z

Silvina. (O seu nome provén do latín e significa silvestre).
É unha meiguiña da fraga de 721 anos.
Ten un gran corazón. Amante da Natureza pasa moito tempo falando cos animais da fraga. Encántalle tomar infusións de herbas medicinais que ela mesma recolle e prepara.
Ademáis ten unhas grandes dotes culinarias. Cualidade que fai que Nina se pase a miúdo pola súa casa con calquera escusa por ver se aprende algún truco novo, ou mellor ainda, se hai algunha nova delicatessen de Silvina para catar.
É unha meiguiña de altura, pois gústalle moito andar polas árbores, os esquios son grandes amigos desta meiga. E os corvos tamén.
Ten unha gran debilidade: fai o que sexa con tal de encher o bandullo de chocolate.

Leva un gorro vermello.
No gorro leva unha lúa. Distintivo das meiguiñas da fraga de Pantín.
Os seus zapatiños son de cor verde escura.
Ten un precioso cabelo en tonalidades mariñas que delata o seu parentesco con algunha meiguiña do mar.

Gústalle máis andar de paseo que metida na casa. Sobre todo se o paseo é nun lugar aberto onde abunden as prantas e os animais.

Disfruta moitísimo visitando xardíns botánicos e museos de Historia Natural.

Tamén lle gusta o cine, sobre todo as películas de Tim Burton e Alejandro Amenábar.

O seu libro favorito é El Bosque Animado.

Silvina.

Lucila

2007-01-24T23:52:00.000Z

Lucila. (O seu nome provén do latín e significa luz pequena).
É unha meiguiña da fraga de 172 anos, aínda é unha meiga nena.

O que máis lle gusta é ir á escola da fraga e xogar coas súas amigas no recreo.Ten moito talento polo que xa hai un par de anos que foi nomeada meiguiña da sorte e agarda con ilusión o día que lle apareza un dono ó que protexer.

É tímida ó principio, pero cando colle confianza é moi faladora e simpática.

Gústalle ver documentais na tele ou en dvd e tamén o programa do Xabarín na galega.

Tamén lle gusta moito ler, ou que lle lean.

Ten o cabelo loiro, pero como é moi moderna creou un feitizo para ter permanentemente unhas fermosas mechas pelirroxas. O vermello é a sua cor favorita.

Leva un gorro azul ceo. No gorro leva unha lúa, como tódalas meigas que proceden da fraga de Pantín.

Leva uns zapatiños de cor verde.

Gústanlle os xelados, sobre todo a combinación nata e fresa, pero tamén os de mandarina, pistacho e turrón.É moi amiga dos animais, sobre todo dos cans e dos paxaros.Inventou unha cancion que canta sempre que se aburre e di:

"Son Lucila, a tua amiga.

Son Lucila, son pequeniña.

Pero son tan forte e lista,

que serei unha grande artista."

Non lle gusta deitarse cedo, e por iso ás veces finxe estar durmida e érguese despois da medianoite para xogar.

Lucila.

Nina

2007-01-24T23:21:00.000Z

Nina. (O seu nome procede do hebreo e significa fermosa, linda)
É unha meiguiña da fraga de 1346 anos. Ten un ano menos que Cándida, a súa gran amiga.
Ten fama de bonitiña e sempre ligou moito porque ademáis de fermosa é moi agradable e simpática.
Amiga dos seus amigos e gran conversadora. Gústalle moito axudar ós demáis.
A súa beleza otorgalle un aspecto fráxil, pero nada que ver! Amante incondicional dos deportes de risco e gran viaxeira.
Gústanlle as velas aromáticas, os inciensos e o popurrí. Tamén o olor dun prato de comida quente.

Leva un gorro turquesa a xogo cos seus zapatos.

No gorro leva unha estrela. Símbolo das meiguiñas que proceden do fraga de Loira. Estas meigas soen ter moita relación coas meigas da fraga de Pantín, xa que son veciñas.O seu cabelo é loiro con algunhas mechas máis craras que outras.

Nina é moi intelixente e ten moita imaxinación. Gústalle sair de paseo e a boa mesa, polo cal, o seu plan ideal é visitar cantas festas gastronómicas pode.Gústanlle os libros de misterio e As Leis de Celavella é a sua serie favorita.

Nina

Cándida.

2007-01-24T22:41:00.000Z

Cándida. (O seu nome provén do latín e significa branquísima, luminosa, sen malícia).

É unha meiga da fraga de 1347 anos.

É moi aberta e alegre. Vivaz e charlatana, pero sobre todo gústalle escoitar.Encántalle que lle conten chistes, ainda que algúns non os entende, sobre todo se son verdes...Cando era nena caeu nun río sen saber nadar, polo que agora lle ten algo de medo á auga, pero sabe que cos seus poderes non corre risco ningún.A súa mellor amiga, Nina, dille de cando en vez que debería empregar un feitizo para facer desaparecer ese medo. Pero Cándida está ben así, ela considera que os medos nos axudan a ser prudentes.

Cándida é pelirroxa. Leva un gorriño azul turquesa a xogo cos seus zapatos.

No gorro leva unha media lúa, como tódalas meiguiñas que proceden da fraga de Pantín.

Gústalle ver pelis de humor sempre acompañada dunha gran perola chea de palomitas. (Se non hai palomitas, serven gusanitos ou estreliñas de pataca). Tamén lle gustan moito as gominolas.

É unha meiguiña moi caseira polo que lle encanta ver as pelis na casa, pero se o seu don@ a saca ó cine tamén o pasa xenial ainda que lle presta menos atención á peli e pasa a fixarse na xente que hai sentada na sala. É algo cotilla, por iso tamén é frecuente vela asomada á ventá.

Cándida.